|
A varannisa n'bballa
A varannisa n'bballa
picchì nun avi chi ballari.
N'anu cch'iu lacrimi l'occhi mei
n'anu cch'iu nenti chi taliari:
l'occhi da varannisa carusidda
si scuddanu ca fu picciridda.
A varannisa voli travagghiari
lu pani manca a la so fami.
Mattruzza mia nun moriri, nun mi lassari
nova mi facisti e figghia bedda
di nuddu è lu duluri di sta Nedda.
L'aveva fatta nuova sua madre la varannisa
prima che la terra dei campi
la consumasse tutta
togliendo alle gemme del sorriso
l'allegria delle gazze
ai capelli mossi e neri
la malia della notte.
Sarebbe stata bella Nedda la varannisa
se la fatica non le avesse segnato il cuore
tanto da farlo ruvido di sale.
Avrebbe avuto una gonna di ragazza
Nedda di l'alivi…
per inventare sulle gambe ruote di dolcezza
se solo l'amarezza
non le avesse tolto la giovinezza.
A varinnisa n'abballa
picchì nun avi chi ballari
avi sulu nu cori rattatu
e lu silenziu di nu ciatu.
|
Canzuna da racina
Avi lu tempu
nu panareddu
ca pì li pampini
passìa beddu.
A racina è fimmina
lu tempu è omu:
lu vinu cu nu vasu
cu nu vasu sapi bonu.
Pigghia a racina ca penni
pigghia tempu lu panaru
pigghia a tò buttugghia
di vinu russu sugnaturi
chi è nuddu vivi da signuri!
Avi lu tempu
nu panareddu
ca pì li pampini
passìa beddu.
A racina è fimmina
lu tempu è omu:
lu vinu cu nu vasu
cu nu vasu sapi bonu.
Sciogghi ruppa a li pinzeri
utti di lignu tundulusu
a racina supra a crozza
fa l'omini riavulicchi
cu li peccatuzzi n'da l'aricchi.
|
|
Nedda di l'alivi
Nedda di l'alivi
senti l'amuri na lu cori
ciaura idda u cielu di la notti
talia i stiddi ca sunu ciuri.
A uci di l'omu n'ammuratu
sapi fari paroli di carizzi
Nedda ascuta i so biddizzi
ca sanu di nuciddi zuccarati.
Nedda di l'alivi
ammuccia l'amuri na lu cori
cogghiri vulissi na cirasa
pì mittilla alleggiu na l'aricchia.
Janu beddu cu la ucca maritata
muzzicari putissi a so carusa:
sciddicari na lu coddu cu lu nasu
aviri a cirasedda…
cu nu susciu di vasu.
|
Turiddu beddu voli a Lola
Turiddu beddu voli a Lola
ma idda si fici maritata
cu Alfiu c'avi lu carrettu.
A voli Lola Turiddu beddu
ora ca turnau da lu surdatu
cu na birritta russa malandrina.
Iddu passia pì farisi taliari
di l'occhi c'arrobbanu lu cori.
Sona chitarra, sona a lu paisi
camina sugnatura tra li casi
cunta l'amuri ca nun si scodda…
Sona chitarra na canzuna di na corda
sunata alleggiu pì ciciuliari
na sirinata ca seppi n'ammurari.
Turiddu beddu penza a Lola
ma idda avi autru chi pinzari:
stari no baccuni china d'aneddi
pì virilli na lu suli luccichiari.
A voli Lola Turiddu beddu
passiannu cu la ucca vasatura.
Adduma a so pipa cu nu vasu…
ioca lu fumu spertu cu lu nasu.
|
